---

3 transcripted pages

---

Chapter 1 Page 1

Priulegium
Wir Maximilian von gottes
gnaden Erwölter Römischer keiser / zu allen zeyten me
rer des reichs in Germanien zu Hungern / Dalmacie /
Croatien etc. künig Ertzhertzog zu Osterych / Hertzog zu
Burgunde / zu Braband vnd Pfaltzgraff etc. Bekennent
Als der Ersam vnser vn des Reichs / lieber getrewer Eu
charius Rößlin doctor d. Ertzney / Etlich tractat vn pü
cher / dem gemeine nutz / Vn sunderlich den schwangern
frawen vnd iren Neugeboren kinden / zu fürdrung vnd
guttem gemacht / vnd truckken vnd vßgön zu lassen wil=
lens ist. Das wir im demnach / dise besunder gnad vn fry
heit gethon vnd gegeben haben / thun vnd geben ime die
auch hie mit wissentlich / in krafft diß brieffs / Also dz nie
mands In was würde / stands oder wesens der sey / die sel
ben pücher In sechs iaren den nechste / nach datu diß vn
sers keyserliche brieffs volgend / die nit nachtrucken / Vn
ob die vsserhalb des heiligen Reichs vnd in frmbde Na
tionen / teutschen vn andren gezungen / gedruckt wur=
dent / Die selben in dem heiligen reich nit feyl haben / ver
kauffen oder vertreiben solle / Vnd gebieten daruff allen
vnd yeglichen Churfürsten / Fürsten / geistliche und welt=
lichen Prelaten / Grauen / Fryen / Herren / Rittern / Kne
chten / Hauptleuten / Vitztumben / Vögten / Pflegern
verwesern / Amptleuten. Schultheissen / burgermeistern
Richtern / Räten / burgern /gemeinde / Ynd sunst allen
andren / Vnsern vnd des Reichs vnderthane vnd getre
wen / in was würde / stats oder wesens die seyen / ernstlich
mit disem brieff / Vn wöllend das sie den genante doctor
Eucharius / beysolcher vnser fryheit / handthaben / schu
tzen vnd schirmend / Vn die berürte pücher / dar vber nit
trucken / feyl haben od verkauffen lassen / Sollichs auch

---

Chapter 1 Page 2

allenthalben in yren fürstentumben / Landen / stette herr=
schafften / vnd gebieten zu thun bestelle / Als lieb als eine
yeglichen sey vnser vnd des Rychs schwer vngnad annd
straff / vnd darzu ein peen / Nemlich zehen marck lötigs
golds zu vermyden / die ein yeder / so wider diß vnser frey=
heit / die pücher trucken / feylhabe oder verkauffen würde
soofft das beschehe / vns halb in vnser kamer / vnd de an=
dren halb theil / dem gemelten doctor Euchaarius vn ab=
lößlich zu bezale verfalle sein solle / mit urkund diß briefs
Geben vnser vnnd desheiligen Reichs stat Cöln am
vier vnd zweintzigsten tag des monats Septeber / nach
Christi geburt fünffzehehundert vn im zwölfften / vnser
Reiche des Römischen im sybten vnd zwetzigisten vnd
des hungerischen im drey vnd zweintzigste Jaren

per Regem Ad mandatuz domini Impe=
per se ratoris proprium.
Sernteiner.

---

Chapter 1 Page 3

[page 3: dedication picture with Eucharius Rösslin and Katharina of Saxony]






Transcription by: