---

[...]


    

---

pen, andermael te doen visiteren, maer sal alleenlijcken doen visiteren die andere inde voirseyde rolle niet begrepen, ende die niet gevisiteert en zijn geweest als voiren.

XXXI.

Dat alle commissarissen, visitateurs, printers, correcteurs, oft lesers, werckluyden van printerije, librariers, boeckvercoopers, oft boeckbinders, ende elck van hen, gehouden sullen wesen onder hen te hebben copie van dese onse ordinancie, mitgaders vande puncten voirscreuen, geprint in vlaemscher ende walscher talen. Op dat niemant daervan ignorantie en pretendere.

XXXII.

Ende aengaende de schoelmeesters, oft eenige andere die kinderen oft iongers leerende zijn, hebben wy geordineert ende gestatueert, ordineren ende statueren voir edict ende gebot prouisionnael by desen, die puncten ende articlen hiernae volgende. Ende dat bouen t'gene des byder voirseyder ordinantie vander religie deshaluen gestatueert ende geordineert is.

XXXIII.

Ende inden eersten, dat de ghene die vuyt crachte vande ordinancie voorscreuen gecommitteert ende gestelt sullen wesen, totter approbatie ende admissie vande meefters oft meesterssen van scholen, sullen vande selue solempnelen eedt nemen, dat zij gheene gereprobeerde oft suspecte boecken noch anderssins schandeleux wesende, en sullen leeren oft voirlesen.

XXXIIII.

Dat vande approbatie ende admisse voirscreuen, mitgaders vanden eedt by hen gedaen, zy den seluen geuen sullen eenich bescheyt by gescrifte, om hen daermede te behelpen ende verantwoirden, als zy desversocht sullen zijn, waervan de voirseyde commissarisen oick register houden sullen. Ende en sullen voir de voorscreuen admissie, certificatie oft registrature niet mogen nemen oft eysschen vande voirseyde meesters oft meesterssen, noch oick vande scholieren de voirseyde scholen frequenterende.

XXXV.

Dat de vaders, moeders, voechden, momboers oft andere last van iongers hebbende, ende de selue seyndende inde scholen van