---

2 transcripted pages

---

Chapter 1 Page 1

[p.96: main details of the decree]

[...]

Trucker
      Anno etc XXXI uff samstag den XXVIII octobris haben beyd
alt und nüw rhet erkannt, diwyl ettwas spans under den
druckern dieser statt Basell von wegen das ie einer dem andren
sine biecher und werck nochgetruckt hatt, der ander dar
durch zu schaden gefiert worden, das dan hinfür kein
drucker dyser statt Basell, dem andren sine werck unnd
biecher in dryen joren den nechsten, noch dem dy ussgangen
und truckt worden, nochtrucken, des glichen auch nichts
das einer statt Basell verletzlich [oder nochteylig] sin mag trucken soll,
alles by der peen hundert rinischer guldin, dy von einem
jeden, der das überfert oder fürgott zu rechter buss unablesslich
gnomen sollen werden; Zu dem so soll ouch kein trucker
hinfüro einer, dem andren sin gesind es sigen correctores,
setzer, trucker oder andere, in den werken abstellen mit
innen selb oder durch ander das sy von dem by dem sy sind,
unnd zu im komen, reden oder reden lassen, damit keiner
an den wercken und dem das er ze trucken fürgnomen,
verhindert werd, dan welcher das uberschrit und verachten
wird, und von im zu clag komen, den wollen unsere herren
je noch gestalt der sachen ungestrafft nit hingon lassenn.

      Und als dan ein sonderen span zwüschen valentin
curio und andrea cartander gwesen, in dem das
andreas cartander im valentin den allexicon grecum


[Left margin, added later, probably in the eighteenth
century, judging from the handwriting]

Der trucker halb
keiner soll dem andern
sein Werkh nachdruckhn
auch sonst kein verbot-
enes oder den stand
schimpf= oder schädliches
werkh drukhen
bey Straf 100 G Rheinisch

---

Chapter 1 Page 2

[Page 96 verso: details of Curio v. Cratander]

den er valentin zum ersten getruckt, nochzetrucken understott
dardurch er valentin an dem sinen und deren vertribung
verhindert möcht werden, ist erkant, dwyl si beyde den
zetrucken angefangen haben, und kosten daran gwendett
das sy dan den dyser zit beyde wol trucken mögen, doch
so soll andreas cartander in den sinen gar nichts
weder wenig noch vyl bis genanter valentin in dem
sinen hinzugestzt und augmentiert hat [#] trucken, oder
trucken lassen, alles by der peen, so im ein ersamer Rhatt
so er das uberfaren, darumb erkennen würd
actum etc.

# [Insertion in left margin:]

auch den fürer nyme
on vorwysen eins ersa-
men rats und sin va-
lentins

[...]












Transcription by: Elsanne Gilomen-Schenkel